Բժշկության պատմության մեջ առաջին անգամ ամերիկացի և բրիտանացի բժիշկները գենետիկորեն ձևափոխված բակտերիոֆագներ են օգտագործել միկրոբակտերիայի՝ տուբերկուլյոզային փայտիկի ազգակցի դեմ: Մեթոդը օգնում է հաղթահարելու վտանգավոր հիվանդությունը․ հիվանդը վստահորեն վերականգնվում է: Բուժման ընթացքը մանրամասն նկարագրված է Nature Medicine ամսագրում:
15-ամյա աղջիկը աշխարհում առաջին հիվանդն է, ում սկսել են բուժել գենոմոդիֆիկացված բակտերոֆագների միջոցով։ Բուժման նոր եղանակը գրեթե կողմնակի հետևանք չի ունենում։ Բուժումն սկսելուց 9 օր անց աղջիկը դուրս է գրվել հիվանդանոցից, և տանը շարունակվել է նրա բուժումը։
Կես տարի անց կարգավորվել է նրա թոքերի և լյարդի աշխատանքը։
Բժիշկների կարծիքով՝ չնայած դրական արդյունքին՝ առայժմ չի կարելի փորձը տարածել, քանի որ յուրաքանչյուր բակտերիալային շտամի համար անհրաժեշտ է ընտրել առանձին վիրուսային կոկտեյլ։