«Մամուլի հետ սուրճ» հաղորդման մայիսի 9-ի հյուրը լրագրող Արման Սուլեյմանյանն է։
Մեր զրուցակիցն անդրադարձավ վարչապետի պաշտոնավարման մեկ տարվան նվիրված ասուլիսին և նշեց, որ ֆորմատի հետ կապված կան որոշակի մտահոգություններ՝ յուրաքանչյուր լրագրող մեկ հարցի հնարավորություն ուներ և հետագայում հարցը ճշգրտելու տարբերակ չկար.«Մեկ տարի անց մենք իմանում ենք, որ ԱԱԾ-ի փաստաղթեր են ոչնչացվել, միգուցե երկու տարի հետո իմանանք, որ հոկտեմբերի 27-ի հետ կապված նյութեր են ոչնչացվել, եթե 4 տարի հետո վարչապետը ցանկանա՝ մենք կիմանանք, թե Ալեքսանդր Սարգսյանի հետ ինչ են խոսել, որից հետո նա 18 թե 30 միլիոն հանգանակություն է արել։ Մեծ հաշվով ինձ համար այդ ասուլիսը ոչինչ չտվեց, բայց ընդհանուր ֆոնը բարի էր»։
Ինչ վերաբերում է ասուլիսի երկար տևելուն, Սուլեյմանյանը նշեց.«Պուտին սթայլ էր, տպավորություն է ստեղծվում, որ վարչապետը բաց է, բայց ես խնդիրը այլ տեղ եմ տեսնում»։
