Այսօր՝ մայիսի 7-ին, Ազգային ժողովում հայտարարությունների ժամին «Լուսավոր Հայաստան» խմբակցության պատգամավոր Անի Սամսոնյանը խնդրեց «Իմ քայլը» խմբակցության պատգամավոր Գայանե Աբրահամյանին փոխանցել իր խոսքը. «Տիկին Աբրահամյանը քաղաքական նկուղից հանել էր հիշողություններ, որի պատասխանները վաղուց տրված են, և որի համար ինքը հաստատ ծափերի չի արժանանալու»:
Պատգամավորի խոսքով՝ ինքը հասկանում է, որ սեփական խոստումները չկատարելու համար ընկնում են հոգեբանական և բարոյական ցայտնոտի մեջ. «Վարչապետի չկատարած խոստումները ձեր փխրուն ուսերի վրա վերցնելը անշնորհակալ գործ է. այսօրվա ձեր արածը անշնորհակալ գործ է»:
Այնուհետև նա անդրադարձավ Երևանի քաղաքապետի «արկածներին». «Անհարմար բան է ստացվել. Երևանի քաղաքապետը կստանա 1 մլն 200 հազար՝ մոտավորապես այնքան աշխատավարձ, ինչքան ողջ հանրապետության վարչապետը: Ես պահանջելու եմ, որ Երևանի դոտացիաները և սուբվենցիաները վերանայվեն»:
Մանրամասները՝ տեսանյութում:
