Crew Dragon-ի շարժիչների կրակային փորձարկումները սկզբում արտակարգ իրավիճակի են հանգեցրել՝ տիեզերական պարկուճի ոչնչացմանը: Հիմա հարցականի տակ է տիեզերագնացների և 2.5 տոննա սննդի տեղափոխումը Միջազգային տիեզերական կայան:
Crew Dragon-ի ապագայում մարդկանց ՄՏԿ տեղափոխելու համար նախատեսված տիեզերական պարկուճը փորձարկման ժամանակ ոչնչացել է: Այս մասին հաղորդել են SpaceX-ից:
Իլոն Մասկի ընկերությունը կատարվածն անոմալիա է անվանել:
Այս վթարը կարող է խափանել SpaceX-ի 2019 թ.-ին տիեզերագնացներին ՄՏԿ ուղարկելու ծրագրերը:
Արտակարգ իրավիճակը, որի ընթացքում պարկուճը ոչնչացել է, տեղի է ունեցել ապրիլի վերջին, Crew Dragon շարժիչների անհաջող կրակային փորձարկումների ժամանակ: SpaceX-ի աշխատակիցները NASA-ի հետ համատեղ հետաքննություն են անցկացնում:
Crew Dragon-ը պետք է ՄՏԿ տեղափոխեր մոտ 2.5 տոննա սնունդ, սարքավորումներ և նյութեր կայանի անձնակազմի համար, որը պատրաստվում էր տասնյակ գիտական փորձեր իրականացնել:
