«Մամուլի հետ սուրճ» հաղորդման մայիսի 2-ի հյուրը «Երկիր մեդիա» հեռուստաընկերության քաղաքական-հասարակական հաղորդումների տնօրեն Գեղամ Մանուկյանն է։
Մեր զրուցակիցն անդրադարձավ սոցցանցերում և մամուլում երեկվա քննարկումներին՝ վարչապետ Փաշինյանի և ՌԴ վարչապետ Մեդվեդևի մասնակցությամբ հայտնի տեսանյութի հետ կապված.«Տասնամյակներ շարունակ նախկին ընդդիմությունն այդպես է հարաբերվել իշխանության հետ։ Հասարակությունը, լրագրողները սովորել են դրան։ Լրագրողները վարժվել են նրան, որ ոչ թե քննարկվող կարևոր օրենքներն են հեռուստադիտողին հետաքրքրում, այլ օրինակ Սամվել Ալեքսանյանի կամ Սեյրան Սարոյանի հետևից միկրոֆոնները պարզած միջանցքներով վազելն է կարևոր։ Հիմա նույն իրավիճակն է, տգեղ բան է, չէի էլ ցանկանա կենտրոնանալ։ Բայց սա բումերանգի ցավալի էֆեկտն է։ Լավ ինչու՞ պետք է վարչապետը, ԱԺ փոխնախագահը սրա շուրջ մեկնաբանություն տան»։
Անդրադառնալով Մարտի 1-ի գործը դատարան ուղարկելու հանգամանքին, մեր զրուցակիցը նշեց.«Նման հնչեղության դատերը երկու ձևով կարող են լուսաբանվել՝ կա՛մ իրական լրագրողները խորանան քրեական գործի մեջ, մեղադրանքը, պաշտպանական կողմի փաստերը պատկերացնեն կա՛մ դատավարությունը դարձնեն լրատվամիջոցների էջերում լոկ քաղաքական պայքարի գործիք»։