Ռուսաստանի արտգործնախարար Սերգեյ Լավրովն ու ԱՄՆ պետքարտուղար Մայք Պոմպեոն հեռախոսազրույց են ունեցել, որի ընթացքում քննարկվել են իրավիճակը Վենեսուելայում:
«Ռուսական կողմն ընդգծել է, որ ինքնիշխան պետության ներքին գործերին Վաշինգտոնի միջամտությունը, նրա ղեկավարությանը սպառնալը միջազգային իրավունքի կոպիտ խախտում է»,- ասվում է Ռուսաստանի ԱԳՆ-ում:
Լավրովը նշել է, որ «միայն վենեսուելացի ժողովուրդն իրավունք ունի որոշելու իր ճակատագիրը, որի համար պահանջվում է երկրի քաղաքական ուժերի երկխոսությունը»:
Զրույցի ընթացքում քննարկվել է նաեւ իրավիճակը Սիրիայում, մասնավորապես, «Էր-Ռուկբան» եւ «Ալ-Հաուլ» ճամբարներում տիրող իրավիճակը: Լավրովը խոսեց փախստականների՝ իրենց մշտական բնակության վայրեր արագ վերադառնալու օգտին:
