Երևանի ավագանու «Իմ քայլը» խմբակցության անդամ, պրոդյուսեր Արմեն Սարգսյանը նշանակվել է Երգի պետական թատրոնի տնօրենի ժամանակավոր պաշտոնակատար: Նախկին տնօրեն Արթուր Ասատրյանն առողջական խնդիրներով ԱՄՆ-ում է, և քանի որ երկու ամսից լրանալու էր նրա պաշտոնավարման ժամկետը, որոշում է կայացվել տնօրենի նոր ժամանակավոր պաշտոնակատար նշանակել: Կառավարության որոշումով մրցույթ կհայտարարվի վեց ամսվա ընթացքում:
«Առաջին լրատվական»- ի հետ զրույցում Արմեն Սարգսյանը նշեց, որ դեռ չի որոշել՝ մասնակցելու է այդ մրցույթին, թե ոչ. «Ես հիմա ավելի մեծ խնդիրների շուրջ եմ մտածում, թատրոնին նոր շունչ հաղորդելու ուղղությամբ շատ աշխատանքներ կան իրականացնելու, կգա օրը, կհայտարարվի մրցույթ, կորոշեմ՝ մասնակցել, թե ոչ»:
«Թատրոնը պետք է զինել ժամանակակից պահանջներին համապատասխան, իսկ մշակութային փոփոխությունների հետ կապված՝ ես և Արթուր Գրիգորյանը դեռևս հեղափոխական պլաններ չունենք, բայց պատրաստ ենք»,- նշեց մեր զրուցակիցը:
«Պետք է մեզ հարց տանք՝ ինչու էր Երգի պետական թատրոնը հայտնվել մշակույթի նախարարության սև ցուցակում»,- ընդգծեց Արմեն Սարգսյանը՝ հավելելով, որ պետք է քայլել ժամանակին համահունչ:
Մանրամասն՝ տեսանյութում:
