Ուկրաինայում կայացած նախագահական ընտրություններում հաղթանակ տարած Վլադիմիր Զելենսկին չի պատասխանել «Ռոսիա 1» հեռուստաալիքի լրագրողների հարցերին, ովքեր փորձել են խոսել նրա հետ Թուրքիայում նրա արձակուրդի ընթացքում: Զելենսկու հետ լրագրողների հանդիպման տեսագրությունը Instagram-ում հրապարակել է հաղորդավարուհի Օլգա Սկաբեևան՝ գրում է lenta.ru-ն:
Տեսանյութը նկարահանվել է հատվածաբար, Սկաբեևան խոստացել է ապրիլի 29-ին «60 րոպե» ծրագրով ցույց տալ ամբողջական տեսանյութը: Հրապարակված տեսանյութում լսելի է, թե ինչպես Զելենսկուն «հետապնդող» մի քանի լրագրողներ հարցեր են ուղղում նրան Մինսկի համաձայնագրի և համաներման մասին:
«Դե, Վլադիմիր Ալեքսանդրովիչ, բոլորը սպասում են այս պատասխաններին, գոնե մի բան ասեք», – ասում է նրանցից մեկը:
Զելենսկին հրաժարվել է պատասխանել լրագրողների հարցերին՝ նշելով, որ ինքը չի ցանկանում հարաբերությունները սկսել կեղծիքից: «Կարո՞ղ եմ ես խոսել Ուկրաինայի ժողովրդի հետ։ Ժողովուրդ, եկեք չսկսենք մեր շփումը անհասկանալի հարաբերություններից»,- ասել է նա լրագրողներին:
