Այսօր լրացավ ԱՄՆ նախագահ Վուդրո Վիլսոնի ստորագրած Իրավարար վճիռ-քարտեզի միջազգայնորեն հաստատելու 90-ամյակը: Այդ առթիվ ՍԻՄ կուսակցության նախագահ Հայկ Բաբուխանյանը հանդես եկավ հայտարարությամբ: Նա նշեց, որ ՍԻՄ-ը պահանջում է Թուրքիայից դադարեցնել Հայաստանի շրջափակումը, ճանաչել Հայոց Ցեղասպանությունը, դադարեցնել հայկական տարածքների օկուպացիան, դուրս բերել այդ տարածքներից թուրքական զորքերը, դադարեցնել հայկական պատմամշակութային արժեքների ոչնչացումը: Բաբուխանյանի գնահատմամբ, նրանք, ովքեր մտածում են, թե հնարավոր է Թուրքիայի հետ հարաբերություններ հաստատել, լավագույն դեպքում վտանգավոր ռոմանտիկներ են, իսկ վատագույն դեպքում ` դավաճաններ:
Ըստ Բաբուխանյանի Թուրքիայի եւ Ադրբեջանի հետ համագործակցության նման նաեւ վտանգավոր է համարվում Բրիտանական խորհրդի գործունեությունը Հայաստանում. «Պետք է արգելել Բրիտանական խորհրդի գործունեությունը Հայաստանում, ինչպես դա արվել է Ռուսաստանում: Նրանց գործունեությունը ուղղված է հայ մատաղ սերնդին փչացնելուն, ինչպես նաեւ հային իր ազգայիրնից կտրելուն»:
