Վլադիվոստոկում, ՌԴ նախագահ Վլադիմիր Պուտինի և ԿԺԴՀ ղեկավար Կիմ Չեն Ընի բանակցությունների ավարտին, բարձրաստիճան հյուրի պատվին հանդիսավոր ընդունելություն է կազմակերպվել։
Rusarminfo-ի փոխանցմամբ, ընդունելության ժամանակ մի քանի երաժշտական ստեղծագործություն է հնչել, այդ թվում՝ Արամ Խաչատրյանի «Գայանե» բալետից «Սուսերով պարը»։
Երկու երկրների առաջնորդների և հյուսկորեական պատվիրակության անդամների համար հնչել են նաև ռուսական դասական կոմպոզիցիաներ, ինչպես նաև կորեական հայտնի երգեր։
Ավելի վաղ կայացել էր Վլադիմիր Պուտինի և Կիմ Չեն Ընի հանդիպումը, որը տևել էր երեքուկես ժամ: