Թավշյա հեղափոխությունից անցել է մեկ տարի՝ 2018 թվականի ապրիլի 23-ին այն ժամանակ արդեն վարչապետ Սերժ Սարգսյանը հրաժարական տվեց։ Ի՞նչ եք կարծում՝ «Սերժը սխալ էր, Նիկոլը ճի՞շտ» «Առաջին լրատվական»-ի հարցին քաղաքագետ Ստյոպա Սաֆարյանը պատասխանեց․ «Միանշանակ։ Ինձ թվում է՝ եթե երեկ էլ նա էդ թեմայով արտահայտվեր՝ հաստատ նույն տեքստը կասեր, որովհետև մեկ տարի առաջ, ինչքան էլ արտաքին քաղաքականության խնդիրներ չկային, հեղափոխության օրակարգում կային արտաքին դերակատարներ, որոնք, այսպես ասած՝ հանուն արդարության նույնպես շահագրգռված էին Սերժ Սարգսյանի ռեժիմի տապալումով։ 2018 թվականի ապրիլի 23-ին Սերժ Սարգսյանը համոզվեց մի բանում՝ Մարտի 1 նա անել չի կարող, որովհետև չափազանց դժվար կլիներ դրա մարսելը, և առաջ էր եկել իշխանությունը փոխանցելու խնդիրը։ Սերժ Սարգսյանը հասկացավ, որ նա չի կարող իշխանությունը փոխանցել «Գազպրոմին», չի կարող փոխանցել Կրեմլին, նա ավելի շատ պաշտպանված կլինի, եթե իշխանությունը փոխանցի ժողովրդին»։
Իսկ ԱԺ «Իմ քայլը» խմբակցության պատգամավոր Սոս Ավետիսյանն էլ ասաց․ «Նա «կուրացել էր» և չէր տեսնում իրականությունը, որի մասին նրան սխալ էին զեկուցում կամ չէր պատկերացնում։ Շատ կարևոր էր, որ էն լեգիտիմությունը, որը ձեռք էր բերում շարժումը, ճանաչվեց։ Այսօրվա խորհուրդն ինձ համար այնքանով է կարևոր, որ հետայսու այդպես է լինելու․ եթե մի օր ժողովուրդը որոշի, որ «Իմ քայլը» չի լինելու, ապա ժողովրդի կամքը պետք է հարգվի»։
Մանրամասները՝ տեսանյութում։