«Մամուլի հետ սուրճ» հաղորդման ապրիլի 23-ի հյուրը «Ժողովուրդ» օրաթերթի փոխխմբագիր Արման Գալոյանն է։
Անցած տարի այս օրը հրաժարական տվեց այն ժամանակվա վարչապետ Սերժ Սարգսյանը։ Արման Գալոյանն ընդգծեց.«Անկեղծ լինեմ՝ արդեն ապրիլի 22-ից սպասելի էր, որ թավշյա հեղափոխությունն անշրջելի է լինելու։ Այն բազմահազարանոց ցույցերը, փողոց փակելը ցույց էին տալիս, որ պրոցեսն անդառնալի է»։
Գալոյանի խոսքերով՝ Սերժ Սարգսյանը իր հայտնի արտահայտությամբ՝ «Նիկոլ Փաշինյանը ճիշտ էր, ես սխալ»՝ տվեց բոլոր հարցերի պատասխանը.«Իր թիմը տաս տարի շարունակ այլ ինֆորմացիա է տվել, իրենք մտածում էին՝ լավ 18-20 տարեկան երեխաներ են, փողոց են փակում, կգնան տուն, կհոգնեն.. հույս ունեին, որ պատգամավորական թիմին ձերբակալելով կվախեցնեին հասարակությանը, բայց հաշվի չէին առել կարևոր հանգամանք՝ շարժումը լիդերի մակարդակից դուրս է եկել։ Յուրաքանչյուր ոք ինքն էր դարձել շարժման կազմակերպիչը»։
Ինչ վերաբերում է Սերժ Սարգսյանի անարյուն հեռանալուն, Արման Գալոյանը նկատեց.«Սերժ Սարգսյանն այդ գործիքը այլևս չէր կարող կիրառել… ես չեմ բացառում եթե իշխանության լիներ Քոչարյանը՝ նորից կդիմեր Մարտի 1-ին, ի՞նչ պետք է աներ Սերժ Սարգսյանը կրակե՞ր այդքան մարդու վրա, երկրորդ մարտի 1 անե՞ր։ Միգուցե Քոչարյանը գնար»։
Հարցազրույցն ամբողջությամբ՝ տեսանյութում