«Հարկային օրենսգրքում մենք ունենք դրույթ, համաձայն որի՝ Հարկային օրենսգրքով և մնացած բոլոր օրենքներով նախատեսված հարկերի, վճարների, տուրքերի բարձրացումը կարող է տեղի ունենալ միայն հաջորդ տարվա հունվարի 1-ից և ոչ շուտ, քան օրենքը ուժի մեջ մտնելուց յոթ ամիս հետո։ Հետևաբար, պետական տուրքը՝ համաձայն «Պետական տուրքի մասին» օրենքի՝ նույնպես վճար է, որը, կոնկրետ այս օրենքի նախագծի համաձայն՝ լավագույն դեպքում կարող է ուժի մեջ մտնել հունվարի 1-ից։ Այս պահին օրենքի նախագիծն առաջին ընթերցմամբ է ընդունվել, և մինչև երկրորդ ընթերցում դեռ բավականին լուրջ փոփոխությունների անհրաժեշտություն ունի»,- «Առաջին լրատվական»-ի հետ զրույցում ասաց ՀՀ վարչապետի խորհրդական Մեսրոպ Առաքելյանը։
ԲՀԿ-ական պատգամավոր Արթուր Գրիգորյանն Ազգային ժողովում վերոնշյալ օրենքի քննարկման ժամանակ նշել էր, որ թյուրըմբռնում է ստեղծվել՝ կարծիք կա, որ ԲՀԿ-ն դեմ է այս նախագծին։ Ըստ պատգամավորի՝ կլինկերն ավելի լավ է ներկրել, քան արտադրել և դրա արտադրման համար ռեսուրսներ չվատնել, ու 1400-ի փոխարեն 400 աշխատող պահել, ինչի արդյունքում 1000 հոգի արդեն գործազուրկ կդառնա։ Սա ինչպես որակել՝ սաբոտա՞ժ, թե՞ ինչ «Առաջին լրատվական»-ի հարցին Մեսրոպ Առաքելյանը պատասխանեց․ «Ցավոք, խորհրդարանում այս հարցի քննարկման մեջ քաղաքական կոմպոնենտը սկսեց գերակշռել, որը, իհարկե, ունի իր օբյեկտիվ պատճառները, սակայն դա բերեց նաև նրան, որ մենք չունեցանք որակական քննարկում»։
Մանրամասները՝ տեսանյութում։
