Ճապոնիան հայտնի է մինչև ուժասպառ լինելը աշխատելու իր մշակույթով. աշխատաժամի ավարտից հետո աշխատակիցները գրասենյակում ոչ թե մի քանի ժամով են մնում, այլ աշխատում են մինչև մետրոյի փակվելը, որից հետո չեն կարողանում տուն հասնել և ուղղակի քնում են կեղտոտ մայթերին:
Լեհ լուսանկարիչ Պավել Յաշչուկը ֆիքսել է առավել անհեթեթ դիրքերում և տարօրինակ վայրերում քնած ճապոնացի աշխատավորներին, հայտնում է Insider-ը:
Պավելը Ճապոնիայի մայրաքաղաքում տարօրինակ երևույթ է նկատել. փողոցներում քնած գործնական կոստյումներով տղամարդկանց:
Ոմանք տեղավորվում են քաղաքի նստարաններին և մետրոպոլիտենի հարթակներում, իսկ մյուսները կարող են ննջել անգամ կանգնած վիճակում:
Տոկիոյի Սինձյուկու և Շիմբաշի շրջաններում, որոնք հայտնի են իրենց բիզնեսի և զվարճանքի կենտրոններով, շատ հեշտ է գտնել ասֆալտի վրա քնած գրասենյակային աշխատողների:
Պավելը միշտ լուսարձակ է օգտագործել, բայց ուժասպառ մարդիկ նույնիսկ դրանից չեն արթնացել:
Ճապոնացիների համար մինչև ուժասպառ լինելն աշխատելն այնքան սովորական է, որ նրանք նույնիսկ գորհոգնածությունից առաջացած մահը բնութագրող հատուկ տերմին են կիրառում՝ «karoshi»:
Երբ աշխատողի մահը դասվում է որպես «karoshi», ապա ճապոնական կորպորացիաները ստիպված են լինում տուգանք վճարել:
«Inemuri»-ին նշանակում է «քնել աշխատանքի վայրում»: Սա նույնիսկ խրախուսվում է. համարվում է, որ եթե աշխատողը քնում է աշխատանքային օրվա պիկին, ապա նա բարեխղճորեն է աշխատում:
Լուսանկարիչը անհրաժեշտ է համարել ուշադրություն հրավիրել ճապոնական գրասենյակային աշխատողների գերծանրաբեռնվածությանը:
