Լրագրողները և վերլուծաբանները քողարկված միջանկյալ տվյալներ են հրապարակում, քանի որ Ուկրաինայում արգելված է քվեարկության նախնական արդյունքների հրապարակումը:
Հարցումների (էքզիթ փոլերի) վերջնական արդյունքների համաձայն Ուկրաինայում կայացած նախագահական ընտրությունների երկրորդ փուլում քվեների ավելի քան 70%-ը հավաքում է Վլադիմիր Զելենսկին: Այսպիսի տվյալներ է հրապարակում քաղտեխնոլոգ Դմիտրի Ռաիմովը:
Միևնույն ժամանակ, նա խոսում է «կիևյան սուպերմարկետում շոկոլադի և կանաչ ավոկադոյի գներից»՝ քողարկված նշելով Պորոշենկոյին և նրա մրցակից Զելենսկուն:
«Ես գնում եմ սուպերմարկետ: Իսկ այնտեղ այսօր կանաչ ավոկադոն 72.5 է, շոկոլադե կոնֆետները՝ 26»,- գրում է Ռաիմովը:
Նա պարզաբանում է, որ, ինչպես և առաջին փուլում, «կոնֆետները կթանկանան», բայց «ավոկադոյի զեղչեր չեն լինի»:
Ուկրաինացի լրագրող Իգոր Գուժվան Facebook-ի իր էջում էքզիթ փոլերը, ինչպես և վերջին անգամ, հրապարակել է ալկոհոլային խմիչքների նկատմամբ ուկրաինացիների նախասիրությունների ուսումնասիրության քողի տակ:
«Մեկ այլ ուսումնասիրություն ցույց է տալիս հետևյալ իրավիճակը՝ շոկոլադի լիկյորը՝ 28.2%, եղինջի թուրմը՝ 71.8%»- գրում է նա:
