Կահույք արտադրող ընկերության 37-ամյա մենեջեր Քրիս Արփինոն ողջ է մնացել, երբ 380 կիլոգրամանոց փայտամածն ընկել է նրա վրա: Դժբախտ պատահարը տեղի է ունեցել աշխատավայրում:
Տղամարդն անմիջապես հոսպիտալացվել է: Բժիշկները նրա մոտ ողնաշարի կոտրվածք և երիկամի լուրջ վնասվածք են ախտորոշել: Արդյունքում Քրիսի երիկամներից մեկը հեռացրել են, իսկ կրկին քայլելու համար նրան երկու տարի է պահանջվել: Քրիսը խոստովանել է, որ նրան ամենաշատը վախեցրել է ամբողջ կյանքում անվասայլակին գամված լինելու հեռանկարը:
Այժմ Քրիսն օրվա շատ խիստ ռեժիմ ունի: Մարզասրահ այցելելու համար նա արթնանում է առավոտյան 3:30-ին, ժամը 6:00-18:30-ն աշխատում է, իսկ ազատ ժամանակն անցկացնում է իր վեցամյա դստեր հետ:
«Ես վերստին սովորել եմ նստել, կանգնել, քայլել առանց կողմնակի օգնության: Դա շատ բարդ փուլ էր»,-պատմել է Քրիսը: