Մեգան Մարքլին ու արքայազն Հարիին երկու կամ երեք տարով պատրաստվում են «աքսորել» Աֆրիկա` այն բանից հետո, երբ կծնվի նրանց առաջնեկն ու լիովին կհարմարվեն ծնողների իրենց դերին:
The Daily Mail-ի փոխանցմամբ, պալատականները մշակել են մի ծրագիր, համաձայն որի, Հարին ու Մեգանը արտերկրում պատասխանատու աշխատանք կստանձնեն, որը բարեգործական գործունեությունը կհամադրի Ազգերի Համագործակցությունում Մեծ Բրիտանիայի շահերի պաշտպանման հետ:
Սկզբում ենթադրվում էր, որ Հարին Ավստրալիայում գլխավոր նահանգապետ կնշանակվի, սակայն հետագայում որոշվեց, որ Աֆրիկան ավելի հարմար տարբերակ է: Ամուսինները նախկինում նույնպես բարեգործական առաքելություններով եղել են այս մայրցամաքում: Բացի այդ, անձնական հիշողություններ են կապված Աֆրիկայի հետ: Այսպիսով, իրենց սիրավեպի սկզբում բրիտանացի արքայազնը և ամերիկացի դերասանուհին մեկնել էին Բոտսվանա: Նրանք այնտեղ նշել են Մարքլի 36-ամյակը: 2004-ին Հարին, Իթոնն ավարտելուց հետո, մինչև Թագավորական զինվորական ակադեմիա ընդունվելը, մի քանի ամիս ապրել է Լեսոտոյում: Նա այդ երկիրը համարում է իր երկրորդ տունը:
The Sunday Times թերթը գրում է, որ ծրագիրն առաջարկել է թագուհու նախկին անձնական քարտուղար Դեյվիդ Մենինգը: Ամենայն հավանականությամբ, Աֆրիկայում բնակություն հաստատելու մասին որոշումը կկայացվի հաջորդ տարի: Առայժմ ամուսինները զբաղված են Frogmore Cottage-ում իրենց նոր տունը կառուցելով և պատրաստվում են ընտանիքի համալրմանը։
.jpg "Популярность Гарри и Меган сравнима с популярностью рок-звезд")
