Այսօր՝ ապրիլի 19-ին, Ազգային ժողովում շարունակվում են աշխատանքները: Այժմ քննարկվում է Պետական տուրքի մասին օրենքում փոփոխություն կատարելու մասին հարցը:
«Լուսավոր Հայաստան» խմբակցության պատգամավոր Արկադի Խաչատրյանը հայտարարեց. «Հայաստանը պետք է ընտրի մրցունակ, առաջարկի վրա հիմնված, արտահանմանը միտված տնտեսական մոդել: Հիմնական շեշտադրումը պետք է լինի ճյուղի մրցունակությունը»:
Նրա խոսքով՝ պրոտեկցիոնիզմը երբեք չի կարող լինել մրցունակությունը խթանող հանգամանք. «Կառավարությունը պետք է մշակի տեղական արտադրության մրցունակությանն ուղղված ռազմավարություն, իսկ կառավարությունը չունի նման ռազմավարություն, և չկա այն ֆիլտրը, որով պետք է անցկացնենք բոլոր այս որոշումների կայացումը»:
Դիմելով էկոնոմիկայի նախարարին՝ պատգամավորը հարցրեց. «Ինչո՞ւ եք այս բեռը տեղափոխել օրենսդրի վրա, ինչո՞ւ եք կարծում, որ օրենսդիրը պետք է կատարի գործադիրի աշխատանքը»:
Մանրամասները՝ տեսանյութում: