Այսօր՝ ապրիլի 18-ին, Ազգային ժողովում շարունակվում են աշխատանքները: Այժմ քննարկվում է ՀՀ Հանրային ծառայությունները կարգավորող հանձնաժողովի նախագահի ընտրության հարցը: Վարչապետ Փաշինյանը այդ պաշտոնում առաջարկել է Գարեգին Բաղրամյանի թեկնածությունը:
«Ձեր պաշտոնավարման ժամանակ բազմաթիվ բարձրաստիճան պաշտոնյաների, զինվորականների ձեր հանձնաժողովը տվել է ՀԷԿ-երի, ջրային ռեսուրսների կառավարման արտոնագիր, և ակնհայտ է, որ այդ ոլորտներում թալան է տեղի ունեցել, և դա՝ ընդհանուր առմամբ ձեր կրավորական հայացքի ներքո և մասնակցությամբ: Այդ պաշտոնյաներին՝ Աղվան Հովսեփյանին, Խոսրով Հարությունյանին, տարբեր գեներալների երբ ՀԷԿ կառուցելու լիցենզիա էր տրվում, որևէ դեպքում փորձե՞լ եք դիմադրել»,- թեկնածուին հարցրեց «Լուսավոր Հայաստան» խմբակցության պատգամավոր Արման Բաբաջանյանը:
Պատգամավորի խոսքով՝ այդ հանձնաժողովի կողմից պաշտպանված է եղել ոչ թե հանրության շահը, այլ կոնկրետ սուբյեկտների, որոնք զբաղված են եղել թալանով, «որին դուք մասնակից եք եղել»:
Արման Բաբաջանյանը հետաքրքրվեց, թե թեկնածուն մարդկային ինչ որակներ ունի. «Ընդվզե՞լ եք երբևէ ձեր հանձնաժողովի նախագահի դեմ, ունե՞ք կամային հատկանիշներ, որոնցով կկարողանաք պաշտպանել ոչ թե կառավարության, ոչ թե անհատների, այլ ՀՀ քաղաքացիների շահը»:
Մանրամասները՝ տեսանյութում: