Լուրեր
Վերացե՞լ են երկարաժամկետ տեսակցություն թույլ չտալու պատճառները. Վահագն Թևոսյանը՝ փոխնախարարին
  • 13:40
  • 2019-04-18
  • Դիտումներ՝ *

Այսօր՝ ապրիլի 18-ին, Ազգային ժողովում շարունակվում են աշխատանքները: Այժմ քննարկվում է Քրեակատարողական օրենսգրքում փոփոխություններ և լրացումներ կատարելու օրենքի նախագիծը 1-ին ընթերցմամբ ընդունելու մասին հարցը:

Ինչպես ներկայացրեց արդարադատության նախարարի 1-ին տեղակալ Արտակ Ասատրյանը՝ նախատեսվում է երկարատև տեսակցության հնարավորություն տալ կալանավորված անձանց:

«Իմ քայլը» խմբակցության անդամ Վահագն Թևոսյանը հետաքրքրվեց՝ եթե նախկինում չի եղել նման դրույթ, սակայն հիմա առաջ է քաշվում, ենթադրվում է՝ նախկինում ինչ-որ պատճառներ են եղել: Պատգամավորը հարց ուղղեց. «Արդյո՞ք վերացել են այդ պատճառները»:

Ասատրյանն արձագանքեց, որ արգելք, այսպես թե այնպես, կարող է դրվել քննիչի որոշմամբ. նախաքննության շահը նկատի ունենալով՝ նույնիսկ կարճատև տեսակցության վրա է արգելք դրվում, իսկ երբ ռիսկեր չկան, արգելքը վերացված է` թե՛ կարճաժամկետ, թե՛ երկարաժամկետ տեսակցության իրավունք է տրվում:

 

Մանրամասները՝ տեսանյութում:

  • Դիտումներ՝ *