«Մամուլի հետ սուրճ» հաղորդման ապրիլի 18-ի հյուրը ՀՀ կառավարության Հանրային կապերի և տեղեկատվության ստուգման կենտրոն ՊՈԱԿ-ի տեղեկատվության ստուգման ծառայության ղեկավար Ռաֆայել Աֆրիկյանն է։
Մեր զրուցակիցը տեղեկացրեց, որ մոտ 2 ամիս է մշակում են նոր ծրագիր՝ կառավարությանը կից ՊՈԱԿ-ի կազմում ստեղծում են տեղեկատվության ստուգման կենտրոն, որը նաև իր կայքն է ունենալու.«Կենտրոնը ներկայացնելու է կառավարության գործունեությանը վերաբերող ապատեղեկատվությունը։ Վիճելի հրապարակումներ տեսնելիս՝ ուղարկում ենք տվյալ գերատեսչություն, եթե տվյալ տեղեկությունը չի համապատասխանում իրականությանը՝ հանդես ենք գալիս հերքումով։ Մեր կենտրոնի գործունեության կարևոր կետերից մեկն էլ Ադրբեջանից տարածվող ինֆորմացիան է։ Մենք տեղեկատվական պատերազմում ենք գտնվում և պետությանն անհրաժեշտ է ունենալ մի մարմին, որը կկարողանա արձագանքել Ադրբեջանից եկող ինֆորմացիոն հարձակումներին»։
Բացի այդ՝ կենտրոնը զբաղվելու է հասարակության մեդիագրագիտության բարձրացմամբ.«Իմ թվարկած առաջին երկու կետերն անիմաստ կլինեն, եթե հասարակությունը չունենա ներքին իմունիտետ այդ գրոհներին հակազդելու համար»