Այսօր՝ ապրիլի 18-ին, Ազգային ժողովում շարունակվում են աշխատանքները: Այժմ շարունակում է քննարկվել Կառավարության կառուցվածքի և գործունեության մասին օրենքում փոփոխություններ և լրացումներ կատարելու մասին հարցը:
Արդարադատության նախարար Արտակ Զեյնալյանը իր եզրափակիչ ելույթում «Լուսավոր Հայաստան» խմբակցության ղեկավար Էդմոն Մարուքյանին խնդրեց փոխանցել իրենց վահանակները. «Ես կուզենայի ձեռքի տակ ունենալ ձեր վատ կառուցվածքը և մեր լավ կառուցվածքը: Ես փորձում եմ հիշատակել ձեր նմանակումը»:
Դիմելով «Լուսավոր Հայաստան» խմբակցությանը՝ նախարարն ասաց. «Ձեր ներկայացրած կառուցվածքի հիմքում մեր նախագիծն է. եթե մերը ուրիշի կոստյումն է, ապա ձերը ավելի շատ կամ քիչ ձևափոխած նույն կոստյումն է: Դուք մշակույթի և գյուղնախարարություններին վերաբերվում եք որպես կոստյումի երկու կոճակի»:
Նախարարի խոսքով՝ ընդդիմությունը չգիտի այն գործիքների մասին, որոնք թույլ են տալիս վերահսկողություն իրականացնել գործադիրի նկատմամբ:
Բացատրելով օպտիմալացումը՝ նա ասաց, որ իրենք ավելի քիչ ռեսուրսներով փորձում են հասնել ավելի մեծ արդյունքի:
Մանրամասները՝ տեսանյութում: