Մադեյրայի ավտովաթարում զոհված բոլոր զբոսաշրջիկները Գերմանիայի քաղաքացիներ են։ Այս մասին հայտնել է Պորտուգալիայի նախագահ Մարսելու Ռեբելու դի Սոուզան, փոխանցում է Agence France-Presse-ը։
Զոհերի թիվը 29 է՝ 40-50 տարեկան 11 տղամարդ և 18 կին։ Կողաշրջված ավտոբուսում 50 զբոսաշրջիկ է գտնվել։
«Ես հայտնում եմ բոլոր պորտուգալացիների վիշտը և համերաշխությունը այդ ողբերգական պահին և հատկապես ցավակցում զոհերի հարազատներին, ովքեր, ինչպես ինձ ասացին, Գերմանիայի քաղաքացիներ են»,-հայտարարել է Ռեբելու դի Սոուզան։
Նախնական տվյալներով Կանիսու դե Բայշու գյուղի մերձակայքում՝ Սանտա Կրուզի մաս կազմող լեռնային ճանապարհին, ավտոբուսի վարորդը, կորցնելով կառավարումը, մխրճվել է ճանապարհի մոտ գտնվող շինության մեջ։