«Լուսավոր Հայաստան» խմբակցությունը այսօր քվեարկության կդնի ֆինանսների նախարար Ատոմ Ջանջուղազյանի պաշտոնանկության հարցը:
ԼՀԿ խմբակցությունը կառավարության կառուցվածքի փոփոխությունների մասին օրենքի նախագծի շրջանակներում հարցապնդում էր ուղարկել կառավարություն պարզելու թե ինչ սկզբունքով են կատարվում կրճատումները, որ ՊՈԱԿ -ներն ու ԾԻԳ -երն են կրճատվում,որքան միջոցներ են խնայվուն այդ կրճատման արդյունքում և արդյոք դրանք ուղղվելու են աշխատավարձերի և թոշակների բարձրացմանը:
https://www.youtube.com/watch?v=8WpRt98Bp-w
Ֆինանսների նախարարությունը հարցապնդմանը տվել է նույնաբովանդակ և կոնկրետություն չպարունակող պատասխաններ, որը ԼՀԿ նախագահ Էդմոն Մարուքյանը բնորոշեց վիրավորական և խորհրդարանական կառավարման հավակնող երկրի համար վատ տարբերակ:Օգտվելով Սահմանադրության և ԱԺ կանոնակարգ օրենքի ընձեռած հնարավորությունից Մարուքյանը դրեց ֆինանսների նախարար Ատոմ Ջանջուղազյանի պաշտոնանկության հարցը: Նախագիծը այսօր քվեարկության կդրվի առանց քննարկման և դա կլինի աննախադեպ մի իրադարձություն նոր Հայաստանում երբ խորհրդարանական խմբակցությունը դնում է կառավարության մեկ առանձին անդամի պաշտոնանկության հարցը: