Դերասանուհի Սոֆի Թյորները, որի հեռուստադեբյուտը եղել է Սանսա Սթարկի դերը «Գահերի խաղը» սերիալում, խոստովանել է, որ ցանկացել է ինքնասպանություն գործել, հաղորդում է Daily Mail-ը:
Աստղը անկեղծ հարցազրույց է տվել և պատմել իր ծանր դեպրեսիայի և մահանալու ցանկության մասին: Դերասանուհու խոսքերով, հոգեկան խնդիրները նրա մոտ առաջացել են 17 տարեկանում, երբ նա արդեն մի քանի տարի նկարահանվում էր «Գահերի խաղում»: Թյորները նշել է, որ դեպրեսիայի առաջացման հիմնական պատճառներից մեկը սերիալի երկրպագուների կոշտ քննադատությունն էր:
Դերասանուհին նշել է, որ չի կարողացել դիմանալ իր կազմվածքի, դեմքի պզուկների և այլ թերությունների «քննադատական մեկնաբանությունների հեղեղին»:
Թյորները շեշտել է, որ ինքը դեռահաս էր և «դա բնական էր»:
Սկզբում աստղը փորձել է թերությունները ծածկել դիմահարդարման միջոցով և սեղմիրան է կրել, որի պատճառով դժվարացել է նույնիսկ շնչել: Իսկ հետո իրավիճակն ավելի է բարդացել և նա սկսել է հրաժարվել փողոց դուրս գալուց: Այս ժամանակահատվածում դերասանուհին սկսել է մտածել ինքնասպանության մասին:
Թյորներին օգնել են ծնողները՝ ժամանակին բժշկի ուղարկելով: Դերասանուհին պնդում է, որ այժմ իրեն շատ լավ է զգում:
