Շոտլանդիայի 38-ամյա բնակչուհի Լեսլի Ռոուենը պնդում է, որ վառվող Փարիզի Աստվածամոր տաճարի լուսանկարներից մեկում հայտնվել է Հիսուս Քրիստոսի հրե կերպարը։
«Դա կարող է իմ երևակայության խաղը լինել, բայց ուշադիր նայեք այս լուսանկարին, ի՞նչ եք տեսնում»,- գրել է կինը Facebook սոցիալական ցանցում։
Ռոուենը միակը չէր, ով աստվածային հայտնություն է նկատել պատկերում։ «Այո, ես պարզ տեսնում եմ նրան․ երկար հանդերձանքը և մնացածը», «Միանշանակ դա Հիսուսն է» ,- գրում էին օգտատերերը մեկնաբանություններում։ Որոշները, սակայն, կասկածամտորեն էին տրամադրված համարելով, որ Լեսլին ցանկալին իրականության հետ է շփոթում։
