Այսօր՝ ապրիլի 17-ին, Ազգային ժողովում շարունակվում են աշխատանքները: Այժմ քննարկվում է «Լուսավոր Հայաստան» խմբակցության հարցապնդման պատասխանը, որը ներկայացնում է ֆինանսների նախարար Ատոմ Ջանջուղազյանը: Հարցապնդումը վերաբերում էր կառավարության կառուցվածքի փոփոխություններով պայմանավորված կրճատումներին և հարակից հարցերին:
«Մենք կոնկրետ հարցեր ենք տվել, բայց դրանց կոնկրետ պատասխանները չենք ստացել: Հարցրել ենք՝ որքա՞ն մարդ եք պատրաստվում կրճատել, ո՞ր ՊՈԱԿ-ները, հիմնադրամներն եք պատրաստվում կրճատել, ի՞նչ հետևանքներ դրանք կարող են ունենալ, ի՞նչ ֆինանսական միջոցներ եք տնտեսում: Պատասխանում եք՝ սպառիչ չեն տվյալները, դեռ չգիտենք, կիմանանք, զգույշ կլինենք»,- դիմելով նախարարին՝ ասաց խմբակցության ղեկավար Էդմոն Մարուքյանը:
«Օրինակ՝ ո՞վ է ասել, որ դուք, որպես նախարար, հավելյալ արժեք եք ստեղծում. եթե կարելի է քաղծառայողին կամ պետական աշխատողին այդպես վերաբերվել, նախարարին ինչո՞ւ չի կարելի ասել՝ ի՞նչ հավելյալ արժեք եք գեներացնում»,- Ատոմ Ջանջուղազյանին հարցրեց Մարուքյանը:
Մանրամասները՝ տեսանյութում:
