Միացյալ Նահանգները և Թուրքիան չկարողացան դուրս գալ փակուղուց Անկարայի կողմից C-400 ռուսական զենիթահրթիռային համակարգերի ձեռքբերման հետ կապված բանակցությունների ընթացքում, գրում է Wall Street Journal-ը:
Ըստ պարբերականի, կողմերը վերահաստատել են իրենց դիրքորոշումները: Այսպիսով, ամերիկյան կողմը նշել է, որ Վաշինգթոնը պատժամիջոցներ կկիրառի Թուրքիայի դեմ, եթե արդյունքում Մոսկվայի հետ նրա գործարքը կայանա: Անկարան, ի պատասխան, վերահաստատել է, որ պայմանագիրը ստորագրվել է և այն վերջնական է:
Միևնույն ժամանակ, ավելի վաղ հայտնի է դարձել, որ կողմերը քննարկում են ամերիկացիների Անկարային ՀՕՊ և ՀՀՊ համակարգերի մատակարարման նոր առաջարկը, որի համար Վաշինգթոն է ժամանել Թուրքիայի ֆինանսների նախարար Բերաթ Ալբայրաքը:
Ապրիլի սկզբին Վաշինգթոնը չեղարկել է F-35 կործանիչների սարքավորումների Թուրքիա մատակարարումը՝ ուսական հակաօդային պաշտպանության համակարգերի ձեռքբերման պատճառով: Միացյալ Նահանգները և ՆԱՏՕ-ի անդամ այլ երկրներ մտավախություն ունեն, որ եթե Անկարան զինված լինի և՛ C-400-ով, և՛ F-35-ով, ապա ռուսական համակարգերի ռադարները կսովորեն հայտնաբերել և հետևել ամերիկյան կործանիչներին:
Թուրքիան Ռուսաստանից 4 դիվիզիոն C-400 ՀՕՊ համակարգ է գնել՝ 2.5 միլիարդ դոլարով:
Կողմերին մնացել է հաստատել եզրափակիչ փաստաթղթերը: Մատակարարումները կսկսվեն 2019 թ. հոկտեմբերից: