Այսօր՝ ապրիլի 17-ին, Ազգային ժողովում շարունակվում են աշխատանքները: Այժմ շարունակում է քննարկվել Կառավարության կառուցվածքի և գործունեության մասին օրենքում փոփոխություններ և լրացումներ կատարելու մասին հարցը:
ԱԺ փոխնախագահ Լենա Նազարյանը հայտարարեց. «Որպես պատգամավոր՝ կառավարության կառավարման գործունեության մեջ ինձ հետաքրքրում է երեք հարց. նախ՝ կառավարման գործընթացը, որը պետք է լինի թափանցիկ, հաշվետու, ժամանակի ու ծախսերի տեսանկյունից արդյունավետ, երկրորդ՝ պետք է ԱԺ կողմից վերահսկողություն լինի, երրորդ՝ կառավարության աշխատանքը պետք է լինի արդյունավետ: Ուզում եմ հասկանալ՝ նշվածներից ինչի՞ հետ խնդիր ունենք»:
Նազարյանը նշեց՝ Հայաստանում չի եղել ավելի թափանցիկ գործող վարչապետ ու կառավարություն, չի եղել ավելի շատ ասուլիսներ հրավիրող վարչապետ, որը պատասխանում է ոչ միայն լրագրողների, այլև քաղաքացիների հարցերին:
Դիմելով «Լուսավոր Հայաստան» խմբակցության ղեկավար Էդմոն Մարուքյանին՝ Լենա Նազարյանն ասաց. «Կարծում եմ՝ դուք ուզում եք ուժեղացնել Ոստիկանության և ԱԱԾ ղեկավարներին, քանի որ նրանք դառնալով կառավարության անդամներ՝ ավելի ազդեցիկ ֆիգուրներ կլինեն»:
Մանրամասները՝ տեսանյութում:
