Այսօր՝ ապրիլի 17-ին, Ազգային ժողովում շարունակվում են աշխատանքները: Այժմ շարունակում է քննարկվել Կառավարության կառուցվածքի և գործունեության մասին օրենքում փոփոխություններ և լրացումներ կատարելու մասին հարցը:
«Ցավում եմ, որ բովանդակային քննարկում չկայացավ, իսկ քաղաքական մեծամասնությունը, փոխանակ բովանդակային առավելությունը ներկայացնելու, վերցնում էր ընդդիմության թեզերը և կառուցվածքից դուրս քաղաքական փաթեթավորումներ տալիս: Էս ի՞նչ մոլուցք է, որ ով ինչ խոսում է, ամեն նախադասության հետ կապված արձագանքում եք, ու կառուցվածքը մոռանում ենք»:
Մելքումյանն ասաց, որ այս կառուցվածքը չունի տարրական արդյունավետություն, չի համոզում՝ որքան է արդյունավետ լինելու նոր կառուցվածքով կառավարության գործունեությունը:
Դիմելով արդարադատության նախարար Արտակ Զեյնալյանին՝ Մելքումյանն ասաց, որ պետք է չափելի գործիքներ ու արդյունք ցույց տան: Նա նաև նշեց՝ քաղաքական պատասխանատվության ինստիտուտի մասին այդպես էլ չխոսեցին:
«Մի տարի է անցել, անորակ օրենքներ են գալիս կառավարությունից պառլամենտ»,- ասաց նա:
Մանրամասները՝ տեսանյութում: