Այսօր՝ ապրիլի 17-ին, Ազգային ժողովում շարունակվում են աշխատանքները: Այժմ շարունակում է քննարկվել Կառավարության կառուցվածքի և գործունեության մասին օրենքում փոփոխություններ և լրացումներ կատարելու մասին հարցը:
«Բարգավաճ Հայաստան» խմբակցության պատգամավոր, ԱԺ փոխխոսնակ Վահե Էնֆիաջյանը նշեց՝ քաղաքական գործիչների ու քաղաքացիների համար, որպես այդպիսին, հիմնավոր են մնում կոնկրետ փաստերը միայն, ուստի կարևոր է, որ մանրակրկիտ քննարկեն և ճիշտ ու արդյունավետ լուծում գտնեն:
«Մենք չենք արձանագրում, որ կառավարության կառուցվածքը այս տեսքով կարող է լայնածավալ, արդյունավետ գործունեություն ծավալել: Եթե ուսումնասիրություններն իրոք այդքան հստակ և ճշգրիտ են, պարո՛ն Զեյնալյան, ներկայացրեք կառավարության՝ որպես հավաքական կամքն արտահայտող ներկայացուցիչ՝ որքա՞ն գումար է այս գործընթացով տնտեսվում, որքա՞ն աշխատատեղ է կրճատվում, հետագայում ինչպիսի՞ օպտիմալացում ու այլընտրանքային մոտեցում է լինելու, այս տնտեսումը, խնայողությունն արդյո՞ք հետագայում պետք է ներկայացվի որպես բյուջեում ավելացում, որովհետև նախկինում նման արատավոր փորձ արվել է»,- հետաքրքրվեց նա:
Պատգամավորի խոսքով՝ միգուցե նախարարների՞ն էր պետք փոխել, ոչ թե ամբողջ նախարարությունը. «Միգուցե խնդիրը կադրերի՞ մեջ է»:
Նա խնդրեց կոնկրետ փաստերով ներկայացնել. «Ի՞նչն է ձեզ լավատեսություն հաղորդում»:
Մանրամասները՝ տեսանյութում: