Այսօր՝ ապրիլի 17-ին, Ազգային ժողովում շարունակվում են աշխատանքները: Այժմ շարունակում է քննարկվել Կառավարության կառուցվածքի և գործունեության մասին օրենքում փոփոխություններ և լրացումներ կատարելու մասին հարցը:
«Ահա և վերջ՝ տխուր հոգոց հանեց մի ծեր և իմաստուն ձի՝ տեսնելով առաջին ավտոմեքենան»,- իր ելույթն այսպես սկսեց «Իմ քայլը» խմբակցության անդամ Հայկ Կոնջորյանը:
Նա նշեց, որ իրեն թվում է՝ որոշ մարդիկ ահա այսպիսի խոր կսկիծով ինչ-որ տեղ հոգոց են հանել այն պահին, երբ հասկացել են, որ ավարտվել է ՀՀ քաղաքական և պետական համակարգն ապականելու և ձևախեղելու իրենց էպոխան. «Հարցը, որ քննարկում ենք, էական կապ ունի դրա հետ»:
Կոնջորյանը նշեց՝ կառավարության կառուցվածքը երկար տարիներ հանդիսացել է քաղաքական վերաբաշխումների ու ստատուս-քվոյի պահպանման շատ վատ օրինակ, որի մասին խոսել են բոլոր ընդդիմադիրները: «Այսօր կառավարությունն այս քայլով բերում է այն բանին, ինչի մասին երկար տարիներ խոսել են ընդդիմությունները»,- հավելեց պատգամավորը:
Մանրամասները՝ տեսանյութում: