Vogue նորաձևության ամսագրի գլխավոր խմբագիր Աննա Վինտուրը հայտարարել է, որ ոչ մի դեպքում թույլ չի տա, որ ԱՄՆ նախագահ Դոնալդ Թրամփը մասնակցի նորաձևության ոլորտի ամենանշանակալի իրադարձություններից մեկին՝ Մետրոպոլիտեն թանգարանի կոտյումի ինստիտուտի Met Gala ամենամյա պարահանդեսին, հաղորդում է Independent-ը:
Նյու Յորքում կայացած «Աշխարհի կանայք» լրագրողական գագաթնաժողովում Աննա Վինտուրի նախկին գործընկեր Թինա Բրաունը հարցրել է, թե արդյոք կա որևէ բան, որը կարող է օգնել նախագահին պարահանդեսի հրավիրատոմս ստանալ: «Բացարձակապես ոչինչ»,- պատասխանել է Վինտուրը:
Ավելին, Vogue-ի գլխավոր խմբագիրը հրաժարվել է իր ամսագրի շապիկի համար նկարահանել Դոնալդ Թրամփի կնոջը՝ Մելանիային:
Նշվում է, որ Աննա Վինտուրը Դեմոկրատական կուսակցության ակտիվ կողմնակից է: Նա դրամահավաք է կազմակերպել նախագահի նախկին թեկնածու Հիլարի Քլինթոնի և ԱՄՆ 44-րդ նախագահ Բարաք Օբամայի համար: