Այսօր՝ ապրիլի 17-ին, Ազգային ժողովում շարունակվում են աշխատանքները: Այժմ շարունակում է քննարկվել Կառավարության կառուցվածքի և գործունեության մասին օրենքում փոփոխություններ և լրացումներ կատարելու մասին հարցը:
«Իմ քայլը» խմբակցության պատգամավոր Սոֆյա Հովսեփյանը հայտարարեց. «2018-ի հեղափոխությունից հետո մենք ուրախացանք, որ մենք բոլորս գերզմանափոսից կհանենք մեր մշակույթը: Բայց այդպես չեղավ, մենք բուռ առ բուռ հող սկսեցինք լցնել վրան, իսկ վերջերս նաև՝ բահ առ բահ»:
Ինչպե՞ս պետք է գերեզմանափոսից հանենք մշակույթը՝ հարցրեց նա. «Այդ մշակույթը մենք այսօր թաղել ենք»:
Հովսեփյանը ՀՀ ԿԳ նախարար Արայիկ Հարությունյանի հարցազրույցներից մեկից մեջբերում արեց. «Պարոն Հարությունյանը վերջերս խոսեց և հարցին՝ ի՞նչ է ժառանգել նախորդ կառավարությունից, տիպիկ պատասխանեց՝ փլատակներ: Այո՛, մենք ժառանգել ենք կրթության ոլորտում փլատակներ, բայց բոլորս լավ գիտենք՝ որքան բարդ է դրանցից ազատվելը, դա ժամանակատար և մեծ ռեսուրսներ է պահանջում: Դեռ փլատակներից չազատված՝ մշակույթը, որ մեր ազգի ներկայացման թիվ մեկ գրավականն է, միացնում ենք ԿԳ նախարարությանը՝ այն դեպքում, որ նախարարությունը գերծանրաբեռնվելու է»:
Պատգամավորը հույս հայտնեց, որ այս նախագիծն առաջին ընթերցումից հետո կվերանայվի:
Մանրամասները՝ տեսանյութում: