Լուրեր
Այլ լուծումների կարիք կա. ԱԱԾ-ն այն մարմինը չէ, որ կարող է ֆեյք նյուզին լիովին հակազդել ու հարցը լուծել
  • 13:24
  • 2019-04-17
  • Դիտումներ՝ *

«Մամուլի հետ սուրճ» հաղորդման ապրիլի 17-ի հյուրը լրագրող Արտակ Համբարձումյանն է։

Մեր զրուցակիցը վերհիշեց մեկ տարի առաջ այս օրերի իրադարձությունները և նշեց, որ հեղափոխությունը լուսաբանելիս մեծ հույսեր չի ունեցել, որ այս անգամ իրավիճակ կփոխվի.«Հիշում եմ, որ բավականին հիասթափեցնող տրամադրություններ էին, մոտս այն միտքսն էր, որ այս անգամ էլ չստացվեց… այս օրերին բավականին հիասթափեցնող մտքեր էին գալիս, բայց հետո իրավիճակը փոխվեց։ Իսկապես բոլորիս համար անսպասելի էր այն, ինչ տեսանք ու լուսաբանեցինք որպես լրագրող»։

Արտակ Համբարձումյանն անդրադարձավ նաև մեդիա խնդիրներին, լրագրողների այն դժգոհությանը, որ իշխանությունները ֆեյսբուքի միջոցով են իրենց տեսակետները հայտնում.«Այս խնդիրն ամենուր է, ԱՄՆ-ում լրագրողները բողոքում են, որ իրենց նախագահ Թրամփը թվիթերի միջոցով է շփվում…Կարծում եմ քաղաքական գործիչն իրավունք ունի ուղիղ շփվել հանրության հետ։ Այստեղ կարևոր է մեկ այլ գործոն՝ արյդոք քաղաքական գործիչները դրան զուգահեռ փակ են հանրության համար, իմ տպավորությամբ՝ ոչ։ Այս պարագայում Հայաստանը իր պատմության վերջին տարիների ընթացքում բացառիկ իրավիճակում է, լրագրողը մի քանի օրվա մեջ կարող է հարցազրույց կազմակերպվել գրեթե բոլոր բարձրաստիճան պաշտոնյաների հետ։Ես չեմ հասկանում իմ գործընկերների այն դժգոհությունը, երբ ասում են՝ ֆեյսբուքն են դարձրել շփման հիմնական մեթոդ»։

  • Դիտումներ՝ *