Այսօր՝ ապրիլի 17-ին, Ազգային ժողովում շարունակվում են աշխատանքները: Այժմ շարունակում է քննարկվել Կառավարության կառուցվածքի և գործունեության մասին օրենքում փոփոխություններ և լրացումներ կատարելու մասին հարցը:
«Լուսավոր Հայաստան» խմբակցության պատգամավոր Մանե Թանդիլյանը իր ելույթում հայտարարեց. «Կառուցվածքի հիմնավորման ներկայացման ժամանակ ամեն հիմնավորում սպասում էի, բացի այն, որ դա ինտուիցիա է, համոզմունք, այսինքն՝ որևէ հաշվարկ, որևէ տեսլական, պատկերացում չէ, այլ ինտուիցիա»:
Նա զարմանալի է համարում, որ ինտուիցիա է համարվում ՊԵԿ ամբողջ համակարգը շարունակել թողնելը նույն ձևով գործել. «ՊԵԿ նախագահն ունի 5 տեղակալ, չկա այդպիսի նախարարություն, վարչապետն ունի 2 փոխվարչապետ: Սա՞ է արդյունավետությունը, սա՞ է օպտիմալացումը: Սա՞ է ինտուիցիան»:
Մանե Թանդիլյանն ընդգծեց՝ պետք էր պարենային անվտանգության ռազմավարություն ունենալ, այնինչ գյուղատնտեսության նախարարությունը տարրալուծվում է էկոնոմիկայի նախարարության մեջ:
«Ինձ համար որևէ բացատրություն չունի այն կառուցվածքը, որ բերել եք, հիմա հասկանում եմ, թե ինչու. որովհետև ինտուիցիան կարող է և չարդարացնել»:
Մանրամասները՝ տեսանյութում: