Assassin’s CreedUnity համակարգչային խաղը կարող է օգտակար լինել Փարիզի Աստվածամոր տաճարը վերականգնելու գործում։ Այդ մասին տեղեկացնում է GPS World-ը։
Նշվում է, որ Ubisoft ընկերության նկարչուհի Քերոլին Միուսը երկու տարի աշխատել է Նոտր Դամի եռաչափ ճշգրիտ կրկնօրինակի վրա։ Նրա խոսքով՝ ստուգվել է յուրաքանչյուր աղյուս։
Unity խաղի գործողություններն իրականանում են 18-րդ դարի վերջի Փարիզում։ Դա Assassin’s Creed-ի առաջին խաղն է, որտեղ բոլոր շինություններն ու ճարտարապետական հուշարձանները ճշգրիտ վերականգնված են։ Unity-ում կարելի է ուսումնասիրել Նոտր Դամն իր բոլոր մանրամասնություններով։
Բացի այդ տաճարի վերականգնման գործում անգնահատելի դեր կարող է ունենալ արվեստաբան Էնդրյու Թելոնի աշխատանքը, ով մի քանի տարի առաջ կազմել է տաճարի ողջ նախագիծը լազերային սարքավորումների միջոցով։