Լուրեր
Երկրորդ և երրորդ նախագահները ու նրանց հետ փոխկապակցված մարդիկ անցած էտապ են. Ռուբեն Ռուբինյան

«Եթե ուզում ենք, որ բանակցությունները լինեն արդյունավետ և բովանդակային, ապա դրա համար անհրաժեշտ է համապատասխան մթնոլորտ, որը կբացառի ռազմաշունչ հայտարարություններն ու գործողությունները»,- «Առաջին լրատվական»-ի հետ զրույցում այս մասին ասաց ԱԺ Արտաքին հարաբերությունների մշտական հանձնաժողովի նախագահ Ռուբեն Ռուբինյանը:

Նրա դիտարկմամբ՝ ադրբեջանական կողմի պաշտոնատար անձանց հայտարարությունները բավարար չափով կառուցողական և խաղաղասիրական չեն, և այս պարագայում բանակցություններն անարդյունավետ կլինեն: «Բայց հույս ունենք, որ նրանց հռետորաբանության մեջ փոփոխություն կլինի: Մենք ունենք տրամաբանական սկզբունքներ և առաջնահերթություններ. մեզ համար առաջնային է Արցախի անվտանգությունը և կարգավիճակը, ինչպես նաև մարդը, մարդու իրավունքները: Եվ նորություն չէ, որ մենք հակամարտության հանգուցալուծումը պատկերացնում ենք բացառապես խաղաղ ճանապարհով… Մենք շատ կառուցողական ենք, իսկ մյուս կողմը մնացել է նախորդ դարում և շարունակում է ռազմաշունչ, նացիոնալիստական հայտարարություններ անել»,- նշեց Ռ. Ռուբինյանը՝ նաև ընդծելով, որ Արցախյան հակամարտության կարգավորումը չի կարող հանգուցալուծվել առանց Արցախի մասնակցության:

Նախկին իշխանության ներկայացուցիչները Արցախի հարցում նոր իշխանության դիրքորոշումը պարտվողականություն էին համարում և ակտիվորեն քարկոծում էին: Ռ. Ռուբինյանը, անդրադառնալով այս դիտարկմանը, նշեց, որ նախկինների տարատեսակ մտքերը մեկնաբանելն անիմաստ է… Նրա խոսքով՝ առաջին և երկրորդ նախագահները և նրանց հետ փոխկապակցված մարդիկ նախկին էտապում են մնացել:

Նախկին իշխանության քարոզչամեքենան ակտիվորեն գործում է: «Սա հին Հայաստանը չէ, որտեղ գրեթե բոլոր լրատվամիջոցները կառավարվում էին մեկ կենտրոնից, խոսքի ազատությունը ժողովրդավարության արգասիքներից է»,- նկատեց մեր զրուցակիցը:

Մանրամասն՝ տեսանյութում:

  • Դիտումներ՝ *