Միշել Օբաման շրջագայության է մեկնել իր «Becoming» գրքի շնորհանդեսի շրջանակներում։ Լոնդոնում նրա ելույթը հավաքել է ավելի քան 15 հազար մարդ։
Գրքում նախկին Առաջին տիկինը մանրամասն պատմել է հարավային Չիկագոյի իր ծննդավայրից մինչև Սպիտակ տուն անցած ճանապարհի մասին և խոստովանել է բրիտանական թագուհու հետ հանդիպման ժամանակ ունեցած մի քանի սխալների մասին։ Այդ մասին գրում է The Guardian-ը։
Հաղորդավար Սթիվեն Քոլբերտը Միշելին հարցրեց ԱՄՆ-ի ներկայիս քաղաքական իրավիճակի մասին, ինչին ի պատասխան տիկին Օբաման ասել է, որ իր ամուսնուն երկու անգամ ընտրել են նախագահի պաշտոնում և եթե հնարավորություն լիներ, ապա կընտրեին նաև երրորդ անգամ։ Եվ եթե այժմ մարդիկ գոհ չեն նրանից, ինչ կատարվում է Սպիտակ տանը, ապա նրանք պետք է «ծալեն թևքերը» և սկսեն աշխատել։
