ԱՄՆ Կոլորադո նահանգի Բոուլդեր քաղաքի բնակիչը դատարանի միջոցով վիճակախաղից պահանջում է վճարել իրեն շահած ամբողջ գումարն այն բանից հետո, երբ պարզվել է, որ մյուս հաղթողները խաբեբաներ են։ Այդ մասին գրում է The Denver Post-ը։
Ամիր Մասիզադեն 4,8 մլն դոլար է հաղթել վիճակախաղով 2005 թվականին։ Պարզվել է, որ տղամարդը միակ հաղթողը չէ։ Երջանիկ թվերով տոմսեր եղել են նաև Թիփթոն եղբայրների մոտ։ Մրցանակային գումարը բաշխել են, և Մասիզադեն 568,9 հազար դոլար է ստացել։
Ավելի ուշ Մասիզադեն իմացել է, որ եղբայրներին մեղադրել են ողջ երկրով մեկ՝ այդ թվում և Կոլորադոյում վիճակախաղային խաբեություններ կազմակերպելու մեջ։ Տղամարդը որոշել է, որ վիճակախաղը պարտավոր է վճարել իրեն Թիմթոններին տված գումարը, քանի որ ինքը արդար է խաղացել։
Վիճակախաղի ներկայացուցիչները հրաժարվել են վճարել գումարը փաստարկելով, որ Մասիզադեն ինքն է ստորագրել պայմանագիրը, որում նշված է, թե ում որքան գումար կտրվի։ Այժմ տղամարդը դիմել է Կոլորադոյի դատարան։
