Լուրեր
Վարչապետը միջազգային ամբիոնները օգտագործում է ԼՂ հակամարտության հումանիզացիայի համար

«Կարծում եմ՝ բավականին արդյունավետ ու հետաքրքիր էր ԵԽԽՎ գարնանային նստաշրջանը. այս անգամ, ըստ էության, պատվիրակության գրեթե բոլոր անդամներն ունեցան ելույթներ, հնարավորություն ունեցան ինքնադրսևորվելու: Կարևորն այն է, որ մեր պատվիրակության անդամները փորձում են ներգրավվել ոչ միայն հայ-ադրբեջանական դիսկուրսների շրջանակներում, այլ նաև համաեվրոպական տարբեր խնդիրների»,- «Առաջին լրատվական»-ի հետ զրույցում ասաց ԵԽԽՎ հայաստանյան պատվիրակության անդամ, «Իմ քայլը» խմբակցության պատգամավոր Տաթևիկ Հայրապետյանը:

Ինչ վերաբերում է ՀՀ վարչապետ Փաշինյանի ելույթին, մեր զրուցակիցն ասաց, որ ելույթը հիմնված էր անձնական փորձի վրա, ինչը շատ գնահատվեց. «Կարևոր է, որ վարչապետը շարունակում է հարթակներն օգտագործել ԼՂ հակամարտության հումանիզացիայի՝ մարդկայնացման համար, որպեսզի փոխվի այն նարատիվը, որը փորձել է Ադրբեջանը տարիներով կերտել Եվրոպայում և տարբեր հարթակներում»:

Տաթևիկ Հայրապետյանը վարչապետի ելույթի շեշտադրումները չի համարում մեղադրանք. «Պարզապես վարչապետը հիշեցրեց, որ Եվրոպայի խորհուրդը խաղաղության, երկխոսության և մարդու իրավունքների պաշտպանության հարթակ է, և հստակ հայտարարեց, որ անկախ տարածքը ճանաչել-չճանաչելուց՝ չես կարող անտեսել մարդկանց: Ըստ էության կեղծ է, որ Ադրբեջանը փորձում է ԼՂ հարցը ներկայացնել որպես տարածքային վեճ. սա մարդկանց, մարդկանց գոյության և մարդկանց իրավունքների մասին է, և կոչ արեց չխուսափել ներգրավված լինել Արցախում ժողովրդավարական ինստիտուտների կայացման գործընթացին»:

 

Հարցազրույցն ամբողջությամբ՝ տեսանյութում:

  • Դիտումներ՝ *