Թաիլանդում իսկական ջրային ճակատամարտ է սկսվել. նրանք նշում են ուրախ և շատ թաց նոր տարին` Սոնգկրանը, հաղորդում է MIR 24 հեռուստաալիքը:
Սոնգկրան նշանակում է «անցում»՝ սեզոնների աստղաֆիզիկական փոփոխություն, երբ տաք սեզոնին գալիս են փոխարինելու անձրևները, որից կախված է բրնձի բերքը:
Որքան շատ ջուր ցանեն ամանորին, այնքան շուտ կգան անձրևները, առատ կլինի բերքը, և բարձր եկամուտ կունենան: Այսպես էլ սկսվել է փողոցներում ջուր ցանելու ավանդույթը: Բնակիչներին օգնում են զարդարված փղերը:
Ջուր ցանելու մեջ նաև սուրբ իմաստ կա: Ըստ տեղական համոզմունքների՝ տոնի օրերին ջուրը լվանում տանում է բացասական էներգիան, մաքրում է մարմինն ու հոգին:
Ջրային նոր տարին տոնում են երեք օր: Ամբողջ ընտանիքը առավոտյան տաճարներ է գնում, վանականներին քաղցրավենիք տանում և լվանում է Բուդդայի արձանները: