Մեծ Բրիտանիայում իրականացվել է հետազոտություն, որի նպատակն է՝ բացահայտել երկրի բնակչության վերաբերմունքը ընկերությանը: Հարցման արդյունքները ներկայացրեց The Mirror-ը:
Ֆոքս Բինգո վիճակախաղի պատվերով իրականացված ուսումնասիրությունը ցույց տվեց, որ միջին հաշվով բրիտանացիները պատրաստ են հրաժարվել իրենց լավագույն ընկերոջից 131,000 ֆունտի դիմաց: Հարցմանը մասնակցել են Մեծ Բրիտանիայի տարբեր մարզերից երկու հազար տղամարդիկ և կանայք:
Կանայք պատրաստ էին դավաճանել իրենց լավագույն ընկերոջը 106 հազար ֆունտով, իսկ տղամարդիկ կցանկանային ավելի շատ ստանալ՝ 180 հազար ֆունտ:
Միևնույն ժամանակ, հարցվածների 40 տոկոսը խոստովանեց, որ նրանք, անկասկած, փողը նախընտրում են ընկերությունից:
Լիվերփուլի բնակիչները ամենաանհավատարիմ ընկերներն էին: Ընկերոջը դավաճանելու համար նրանք պահանջեցին միջինը 62 հազար ֆունտ ստեռլինգ:
Առավել հավատարիմ էին Շոտլանդացիները՝ Գլազգոյից: Նրանք ընկերությունը գնահատեցին 200 հազար ֆունտ։
Բացի փողին վերաբերող հարցերից, հետազոտողները պարզեցին, թե որքան դաժան կարող են լինել ընկերները: Հարցվողների 15 տոկոսը խոստովանեց, որ իրենց ընկերների հասցեին վատ բաներ են խոսել, իսկ 10 տոկոսը նշել է, որ իրենք ունեն WhatsApp-ի զրույցի խումբ, որը չի ներառում մի քանի ընկերոջ:
Հարյուր հարցվածներից յոթը ավելացրեց, որ սիրաբանել են ընկերոջ սիրելիի հետ, իսկ 6 տոկոսը՝ նույնիսկ համբուրվել են:
Միևնույն ժամանակ՝ բրիտանացիների 84 տոկոսը պատրաստակամություն հայտնեց ստել հանուն ընկերոջ, իսկ 100-ից 21-ը հավաստեցին, որ ոչ մի դեպքում ընկերոջը չեն լքի։