ՀԴԲ նախկին ղեկավար Ջեյմս Քոմին հայտարարել է, որ ԱՄՆ նախագահ Դոնալդ Թրամփի՝ երկրի պետական կառույցների վրա հաճախակի հարձակումները Ամերիկայի համար ավելի վտանգավոր են, քան ընտրությունների ժամանակ Ռուսաստանի «միջամտությունը»: Այս մասին հաղորդում է The Washington Examiner-ը:
Ինչպես նշվեց, Քոմին այդ մասին հայտարարեց Սան-Ֆրանցիսկոյի մոտակայքում տեղի ունեցած Hewlett հիմնադրամի միջոցառման ժամանակ:
Նրա խոսքերով՝ Ռուսաստանը փորձում է վնասել ամերիկյան կառույցներին, սակայն Սպիտակ տան ղեկավարը «գրեթե ամեն օր ստում է այդ հաստատություններին»: Նա կոչ է արել ամերիկացիներին գիտակցել Թրամփի «ամենօրյա ստի» վտանգները:
«Նա այնքան հաճախ է ստում, որ մենք անընկալունակ ենք դարձել: Դա վտանգավոր է»,- ընդգծել է Քոմին:
Թրամփը Քոմիին պաշտոնանկ է արել 2017 թ. մայիսին։ ԱՄՆ առաջնորդն իր որոշումը բացատրել է Քոմիի վատ աշխատանքով։ ՀԴԲ-ն դրանից հետո որոշեց ստուգել՝ արդյոք Թրամփը համագործակցո՞ւմ է Մոսկվայի հետ:
