«Հայաստանի վարչապետ Նիկոլ Փաշինյանը ներկայացրեց այն դիրքորոշումները, որոնցում ես անձամբ քննարկման թեմա չեմ տեսնում: Ի լրումն դրա, անընդհատ հնչեցնում են անվտանգության հրադադարի ռեժիմի ամրապնդման մասին հայտարարություններ, և այլն: Սրանք այն թեմաներն են, որոնք կբերեն իրավիճակի սառեցման: Հայկական կողմը կտրականապես հրաժարվել է զբաղվել օկուպացված տարածքների ազատագրման հետ կապված հարցերով, շարունակում է պնդել, որ ձևաչափը փոխվի: Այս իրավիճակում ես հանդիպման հեռանկար չեմ տեսնում: Միակ փաստը, որը կարելի է նշել, բանակցությունների նմանակումն է, իսկ իրականում՝ մի կողմ թողնել հրադադարի ռեժիմը և ռազմական գործողություններ վերսկսել»:
Այս կարծիքը Minval.az-ին հարցազրույցում հայտնեց Ադրբեջանի նախկին արտգործնախարար Թոֆիկ Զուլֆուղարովը՝ մեկնաբանելով Մոսկվայում Ադրբեջանի և Հայաստանի արտգործնախարարների` Էլմար Մամեդյարովի և Զոհրաբ Մնացականյանի առաջիկա հանդիպումը` ռուս գործընկեր Սերգեյ Լավրովի մասնակցությամբ:
Նրա խոսքերով, կողմերը կարևոր հարցեր չեն քննարկի, ամենայն հավանականությամբ, կքննարկեն Փաշինյանի հնչեցրած առանցքային հարցերը: Խոսելով մարդասիրական գործունեության իրականացման վերաբերյալ Ադրբեջանի և Հայաստանի ղեկավարների համաձայնության մասին, մեր զրուցակիցն ասաց.
«Մարդասիրական հարցերը հավանաբար գերիների փոխանակումն է: Հնարավոր է, որ այս համատեքստում Մոսկվան ինչ-որ բան հայտարարի: Ամեն ինչ պարզ է: Մենք ցանկանում ենք, որ հայկական կողմը ազատի օկուպացված տարածքները: Հայերը ասում են, որ մտադիր չեն ազատագրել ոչ Լեռնային Ղարաբաղը, ոչ էլ դրա շրջակա տարածքը։ Հնչեցրած այս դիրքորոշումից հետո բանակցությունները կորցնում են իմաստը: Հետևաբար, մենք այժմ կանգնած ենք կրկնվող որոշակի գործընթացի առջև, երբ մեկ կամ երեք ամիսը մեկ դիվանագետները կհանդիպեն, իսկ արդյունք չի լինի: