IQOS-ը (սարքի մասին ավելի մանրամասն կարող եք կարդալ Վիքիպեդիայում) ի սկզբանե նախագծվել է որպես ավելի քիչ վնասակար այլընտրանք սիգարետին։ Այլ կերպ ասած՝ IQOS-ի առաքելությունը ոչ թե նոր ու տեխնոլոգիական եղանակով նիկոտին մատակարարելն է, այլ ավելի քիչ վնասակար լինելը։
IQOS-ը ստեղծելու համար ներդրել են 6.6 միլիարդ դոլար։ 400-ից ավելի գիտնական 10-ից ավելի տարիների ընթացքում աշխատել են, որպեսզի ստեղծվի այդ փոքրիկ սարքը՝ «այլընտրանքը»։
Քանի որ IQOS–ը ստեղծելու նպատակը վնասը նվազեցնելն էր, ստեղծման պահից ընկերությունում ուսումնասիրություններ են կատարվել, որպեսզի պարզեն․ հասե՞լ են ի վերջո նպատակին, թե՞ոչ։
Երբ սիգարետ արտադրողն ինքն է հայտարարում, որ սիգարետ ծխելը վնասակար է․
Այսօր փոխվում է ամեն ինչ։ Մեզ զարմացնելու, կյանքը հեշտացնելու ու ի վերջո մեր եկամուտի մի մասին տիրանալու համար ընկերություններն ամբողջ աշխարհում մշակում են նորանոր արտադրատեսակներ, տրամադրում աննախադեպ ծառայություններ։ Ապրանքային այս հեղաշրջումը բնորոշ է բոլոր ոլորտներին․ սնունդ, ըմպելքներ, տրանսպորտ և կապ, սիգարետի արտադրություն։
Երբևէ լսե՞լ եք ավելի հակասական բան, քան այն, երբ խոշորագույն սիգարետ արտադրողը հայտարարում է բիզնեսից դուրս գալու մասին։
Ուղիղ ասում են․ սիգարետը վնասակար է, մի՛ ծխեք, թողե՛ք։
Ավելացնում են․ մեր ապագան այլևս սիգարետ արտադրելը չէ․ մենք ուսումնասիրել ու համոզվել ենք, որ սիգարետը չափազանց վնասակար է։
Ի վերջո, լուծում են առաջարկում․ եթե չեք կարողանում թողնել, սիգարետի փոխարեն օգտագործեք ուրիշ արտադրատեսակներ, օրինակ՝ IQOS:
Ծխելը վնասակար է։ Այո, բայց ինչու՞․
Քանի որ ծխելը համաճարակի նման մի բան է դարձել, վերջին տարիներին կատարվել են հարյուրավոր ուսումնասիրություններ սիգարետի, ծխի, նիկոտինի ու ծխելու հետևանքով առաջացող հիվանդությունների վերաբերյալ։ Տարբեր երկրներում (Մեծ Բրիտանիա, ԱՄՆ, Գերմանիա, Նոր Զելանդիա, Ռուսաստան, Ճապոնիա) առողջապահության նախարարության կարգադրությամբ անկախ հետազոտություններ են անցկացվել։ Պարզվել է, որ ծխելու հետևանքով առաջացող հիվանդությունների հիմնական պատճառը ոչ թե նիկոտինն է, այլ այրումը։ Իսկ եթե ավելի ճիշտ՝ այդ այրումից առաջացած ծխի մեջ առկա 6000 քիմիական միացություններից 100 ամենավտանգավորը։ Իսկ ծխողը դրանք ներշնչում է ամեն օր՝ չնայած նրան, որ կախվածություն ունի ոչ թե ծխից, այլ նիկոտինից։ Մինչև վերջերս ծուխ ներշնչելուց բացի այլ տարբերակ չկար։ Այժմ արդեն կա։
Սիգարետը փոխարինող ՑԱՆԿԱՑԱԾ այլընտրանք առանց ծուխ է՝ աշխատում է առանց այրման
2016 թվականին Մեծ Բրիտանիայի Թերապևտների թագավորական քոլեջի ուսումնասիրության մեջ ասվում էր․ «Եթե նիկոտինը հնարավոր լինի ծխողներին հասցնել առանց ծխի առկայության, հավանական է, որ ծխելու հետ կապված վնասը մեծամասնությամբ, եթե ոչ ամբողջովին, հնարավոր է նվազեցնել»։
Սա հենց այն է, ինչ փորձում են անել աշխարհի գրեթե բոլոր ծխախոտային ընկերությունները․ գտնել նիկոտինի մատակարարման ավելի քիչ վնասակար միջոց։ Այսօր կան բազմաթիվ պրոդուկտներ․ էլեկտրոնային սիգարետ, նիկոտինային մաստակ, ծխախոտաբույսը տաքացնող սարքեր․․․ դրանք գալիս են փոխարինելու մեզ հայտնի սիգարետը։ Բոլոր այս արտադրատեսակները մեկ ընդհանրություն ունեն․ չկա այրում ։ Քանի որ սիգարետի ծուխն է ծխելու հետ կապված հիմնական խնդիրը, բոլոր այս արտադրատեսակները աշխատում են առանց այրման՝ ծուխը բացառելու համար։
Մեկ կարևորագույն առավելություն ևս․ սիգարետը փոխարինող ու առանց ծուխ աշխատող բոլոր արտադրատեսակների դեպքում բացակայում է պասիվ ծխող հասկացությունը, հետևաբար ծխողը հարաբերական վնաս հասցնում է միայն իրեն, և ոչ շրջապատում գտնվող մարդկանց:
Ո՞վ է ասել, որ IQOS-ն ավելի քիչ վնասակար է․
IQOS-ի ու առանց ծուխ նիկոտին մատակարարող բոլոր պրոդուկտների միջև կա մեկ կարևորագույն տարբերություն․ ներկայումս IQOS-ը գիտությամբ ապացուցված միակ արտադրատեսակն է։ Այսինքն, բոլոր մյուս ուսումնասիրությունները հիմնականում կատարվել են ոչ թե կոնկրետ բրենդի, այլ ապրանքատեսակի մասին։ Իսկ IQOS արտադրող Ֆիլիպ Մորրիսը ոչ միայն անցկացրել է ամենատարբեր ուսումնասիրություններ՝ սկսած արտազատած գոլորշու քիմիական հատկություններից ու ավարտելով մարդկանց վրա գործած ազդեցությունով, այլև բաց կերպով դրանք հրապարակել իր կայքում․ www.pmiscience.com: Հետաքրքրված ցանկացած ծխող կարող է հեշտությամբ գտնել ցանկացած հետազոտության արդյունք։ Իսկ հետազոտություններն ասում են, որ IQOS-ը սիգարետի համեմատ ավելի քիչ վնասակար է։
Բնականաբար, Ֆիլիպ Մորրիսի կողմից հրապարակված տվյալները ստուգվել են միջազգային կառույցների ու անկախ փորձագիտական կենտրոնների կողմից։ Ահա այն կառույցների ցանկը, որոնք իրենց սեփական հետազոտություններն են անցկացրել ու եկել այն եզրահանգման, որ IQOS-ի գոլորշու մեջ իսկապես ավելի քիչ են վնասակար նյութերը․
ԱՄՆ Սննդամթերքի ու դեղորայքի վարչություն (US FDA)
Գերմանիայի ռիսկերի գնահատման դաշնային ինստիտուտ
Անգլիայի հանրային առողջապահության գործակալություն
Ճապոնիայի հանրային առողջապահության ազգային ինստիտուտ
Առ այսօր IQOS-ի վերաբերյալ ավելի քան 25 անկախ հետազոտություններ եւ կառավարական հաշվետվություններ են եղել։ Դրանց մեծ մասը հաստատել է, որ սիգարետի ծխի համեմատ IQOS-ի գոլորշու մեջ զգալիորեն ավելի քիչ են վնասակար նյութերը։
Միջազգային անկախ այս հետազոտություններն ու Ֆիլիպ Մորրիսի կողմից հրապարակած տվյալները IQOS-ը դարձնում են մարդկությանը հայտնի դեռևս միակ տեխնոլոգիան, որի կողմից մարդու օրգանիզմին պատճառած վնասի նվազեցումը ապացուցված է գիտությամբ։
