Քիմ Քարդաշյանը խոստովանել է, որ ամուսնու՝ Քանյե Ուեսթի և ԱՄՆ նախագահ Դոնալդ Թրամփի միջև բարեկամությունը սրել է իրենց ընտանեկան հարաբերությունները և «անհանգստության» պատճառ դարձել: Այս մասին Քարդաշյանը հայտնել է Vogue ամսագրին տված հարցազրույցում:
Բանն այն է, որ 41-ամյա ռեփերը չի թաքցրել իր աջակցությունը Թրամփին, նա Twitter-ում գրել է Սպիտակ տան օվալաձև գրասենյակ և Թրամփի աշտարակ այցելության մասին: Բացի այդ, երաժիշտը խոստովանել է, որ Թրամփի «Եկեք Ամերիկան կրկին հզոր դարձնենք» կարգախոսով կարմիր շապիկը ստիպում է իրեն «գերմարդ» զգալ:
Թրամփին նման եռանդուն աջակցությունը դիսոնանս է առաջացրել Ուեսթի և կնոջ հարաբերություններում: Քարդաշյանը խոստովանել է, որ լաց է եղել, երբ ամուսնուն տեսել է հայտնի կարմիր շապիկով և ցանկացել է բղավել, որ նա հանի այն:
«Ես կարող էի նստել և լաց լինել. «Աստված իմ, հանիր այդ կարմիր շապիկըը»: Քանի որ նա իսկապես ամենահաճելի և ամենամեծ սիրտ ունեցող մարդն է:
Բայց ժամանակի ընթացքում ես դադարեցի այդքան մտահոգվել, քանի որ դա ազդում էր մեր հարաբերությունների վրա», – ամփոփել է Քարդաշյանը:
