«Մամուլի հետ սուրճ» հաղորդման ապրիլի 11-ի հյուրը տնտեսական մեկնաբան Ռուբեն Գրձելյանն է։
Մեր զրուցակիցն անդրադարձավ «Սպայկա» ընկերության շուրջ առաջացած խնդրին և մեր այն հարցին, որ եթե ընկերությունը դադարեցնի իր գործունեությունը դա ինչ անդրադարձ կունենա մեր տնտեսության վրա, պատասխանեց.«Տնտեսական որոշ անկում կարող ենք տեսնել գյուղատնտեսության և արդյունաբերության մեջ։ «Սպայկա»-ն խոշոր ծավալի գյուղմթերող և արտահանող է։ Եթե «Սպայկա»-ն նվազեցնի իր գործունեությունը, ապա Արարատյան դաշտավայրում խնդիրներ կունենանք»։
Ըստ Ռուբեն Գրձելյանի՝ ընկերության հետ պետք էր սերտ աշխատել, եթե կար խնդիր, բցատրել ու քննարկել.«Հարկայինն ու տնտեսվարողները թշնամիներ չեն, պետք են բանակցային ու գործընկերային հարաբերություններ»։
Նա անդրադարձավ նաև նոր իշխանությունների տնտեսական քաղաքականությանը, հարցին, թե ինչու՞ խոշոր ներդրումներ չեն լինում, երբ կան քաղաքական նպաստավոր պայմաններ, Ռուբեն Գրձելյանն ասաց.«Եթե տնտեսական զարգացում ունենք՝ իներցիայի հարց է, նոր բան չի ներդրվել, որ տնտեսական զարգացումը խթանվի։Ներդրումները և ընդհանրապես փողը չի սիրում այն իրավիճակը, որ մենք ունենք մեր երկրում։ Ներդրում չի լինի, եթե ներսում հասարակական անկայուն իրավիճակ լինի»։
