ԱԺ «Իմ քայլը» խմբակցության պատգամավոր Տաթևիկ Հայրապետյանը ԵԽԽՎ-ում զեկույցի ժամանակ հայտարարել է, որ Ադրբեջանին նույնպես պետք է խաղաղություն պարտադրել: Այս առնչությամբ պատգամավորը «Առաջին լրատվական»-ին հայտնեց. «Կարևոր է, որ նման հարթակներում Ադրբեջանի ապակառուցողական ելույթների ֆոնին մենք փորձում ենք կառուցողական և երկխոսությանը միտված այդպիսի ելույթներով հանդես գալ»:
Նրա խոսքով՝ այս փուլում դժվար է կանխատեսել, թե որքանով Ադրբեջանը կգնա այդ ճանապարհով. «Այդքան էլ օպտիմիստ չեմ այդ հարցում, բայց դա չի նշանակում, որ մենք պետք է դադարենք խոսել խաղաղության մասին»:
Տաթևիկ Հայրապետյանը ուրախ է, որ ադրբեջանական գրեթե ամբողջ պատվիրակությունը գրանցվել է ԵԽԽՎ-ում ՀՀ վարչապետ Նիկոլ Փաշինյանին հարցեր տալու համար. «Նրանք կստանան իրենց պատասխանները: Նրանք ուզում են իրենց տանը ցույց տալ, թե տեսեք՝ Հայաստանի վարչապետին ինչպիսի սուր հարցեր ենք տվել»:
Առավել մանրամասն՝ տեսանյութում:
