«Ճիշտն ասած՝ ես նայել եմ Նիկոլ Փաշինյանի այցը մաքսատուն։ Բաներ կա, որ շատ ողջունելի է։ Եթե մենք մեր պետությունը հարգում ենք, ապա մենք պետք է մեր դրոշի, զինանշանի նկատմամբ յուրահատուկ մոտեցում ունենանք։ Մեկ ամիս առաջ ես գործով գնացել էի Աբովյանի քննչական բաժին, որտեղ դռան կողպեքի վրա զինանշանով տաս դրամանոց էր ձգած։ Այսինքն՝ եթե մենք չհարգենք մեր զինանշանը, մեր դրոշը, ապա իրականում մենք ինքներս մեզ չենք հարգի։ Այն փնթի, խոզանոցային վիճակը, որ եղել է, անհարիր է պետական պաշտոնյային։ Պարոն Փաշինյանին կարելի է տանել նաև որոշ քննչական բաժիններ, որ տեսնի, թե այնտեղ ինչ է կատարվում»,- «Առաջին լրատվական»-ի հետ զրույցում ասաց իրավապաշտպան Մարինա Պողոսյանը։
Նա նաև հավելեց․ «Ինչ վերաբերում է Փաշինյանի հայտարարությանը մեքենաների վերաբերյալ, այո, մենք մեքենաների գերեզման չենք և թերմացքներ ուտող չենք։ Մենք շատ լավ գիտենք, որ մի ժամանակ ներկրվում էին մեքենաներ, որոնք ջրի մեջ էին մնացել և ժանգոտել ու դարձել էին ոչ պիտանի։ Դա հարցի մի կողմն է, որովհետև դրա մասին ձեռք բերողն է մտածում, իսկ մենք ունենք CO-ի խնդիր։ Այսինքն՝ եթե մենք մեքենա ենք բերում, որպեսզի մեր օդը աղտոտենք, ապա դա մեզ հարիր չի։ Բայց ամեն դեպքում ես պարոն Փաշինյանին կուզեի հիշեցնել, որ նման ձևով չեն արգելում մարդկանց, որովհետև նրանք էլ են ուզում ավտոմեքենա ունենալ»։
Մանրամասները՝ տեսանյութում։